Маја Хок ќе биде ќерка на Бернштајн во филмот „Маестро“.
Се составува актерската екипа на филмот „Маестро“, филм во режија на Бредли Купер во кој Купер ја носи и главната улога. Филмот ќе го раскаже животот на Леонард Бернштајн, американскиот композитор и диригент кој се прослави со West Side Story.
Маја Хок, која ја видовме во „Stranger Things“ и „Once Upon a Time in Hollywood“ ќе ја игра ќерката на Бернштајн во филмот „Маестро“, додека пак, Кери Малиган ќе биде неговата сопруга – Фелисија Монтеалегре Кон Бернштајн. Во актерската екипа ќе се најдат и Џереми Стронг и Мет Бомер.
Купер го напиша сценариото со добитникот на Оскар Џош Сингер (Spotlight) и ќе започне со снимање набрзо во Њујорк.
Меѓу продуцентите се Тод Филипс, Мартин Скорсезе и Стивен Спилберг. Филмот ќе го дистрибуира Нетфликс.
Која е Маја Хок?
View this post on Instagram
Хок е второто големо женско име кое се приклучи на актерската екипа на „Маестро“, по Кери Малиган која веќе е официјално меѓу актерскиот тим на второто режисерско дело на Купер по успехот на „Ѕвездата е родена“.
Родена во 1998 година, Маја е ќерка на Итан Хоук и Ума Турман, а неодамна се прослави благодарение на третата сезона на Stranger Things, во која веднаш ја заслужи љубовта на фановите во улогата на Робин.
Во својата деловна биографија, Хок може да се пофали и со учество во филмот „Беше еднаш во Холивуд“ од Квентин Тарантино и „Улица на стравот: 1994“, првото поглавје од хорор-трилогијата на Нетфликс.
