Јелена Карлеуша и Душко Тошиќ се разведуваат по 14 години брак, а низ овој за нив тежок период поминуваат на цивилизиран и коректен начин.
Имено, Јелена во соопштението објавено на нејзиниот Инстаграм профил откри дека таа и Душко одлучиле да се разведат, и дека повеќе нема да се огласуваат на оваа тема.
Потоа откри дека таа го има старателството над децата, а целиот брачен имот им бил пренесен на нивните две ќерки.
Нивниот брачен имот се состои од две вили, пренесуваат српските медиуми. Едната се наоѓа на белградско Дедиње и е купена пред неколку години, како што пишуваа медиумите, за три милиони евра, додека другата се наоѓа во Лисичји Поток.
Со оглед на тоа дека ќерките се уште се малолетни, Јелена ќе располага со имотот до нивното полнолетство. Бидејќи Карлеуша ќе го има старателството над децата, Душко ќе плаќа алиментација. Според српски Курир, месечниот износ на алиментација ќе изнесува 5 илјади евра, а ќе го финансира и нивното образование.
За разлика од бројните други познати парови кои за време и по разводот имаат само лоши зборови еден за друг, Јелена и Душко минуваат низ тешкиот период на многу цивилизиран, пристоен и коректен начин. Една од причините најверојатно се нивните ќерки кои со родителска грижа сакаат да ги заштитат од дополнителен стрес и изложување во јавноста.
