Шефот на единицата за борба против тероризмот на Скотланд Јард, Нил Басу, кој во блиска иднина заминува во пензија, зборуваше за сериозноста на заканите што ги добила војвотката од Сасекс Меган Маркл. За пораките што ги добила сопругата на принцот Хари, тој зборувал во интервју за вестите на Канал 4, пренесува Гардијан.
На прашањето дали војвотката добила закани кои може да се сметаат за убедливи, тој одговори потврдно. „Апсолутно“ и потврди дека според реториката на заканите „ќе се чувствувате загрозени цело време“, рече Нил Басу.
Тој додаде дека службениците на Скотланд Јард ги истражувале заканите и отвориле кривични случаи во врска со нив.
Оваа изјава ја објаснува желбата на принцот Хари автоматски да добие полициска заштита при посетите на Велика Британија со неговата сопруга и неговите изјави дека не се чувствува безбедно во својата татковина.
