Шпанската кралица Летиција беше домаќинка на гала вечерта и пречека над четириесет шефови на држави и влади со нивните сопружнички во Кралската палата во Мадрид.
Самитот на НАТО што се одржува во Мадрид е во знакот на важни случувања во однос на идната рамнотежа во Европа. Самитот беше отворен со гала-вечерата што ја понудија кралот Фелипе и кралицата Летиција во чест на над четириесет лидери на западните земји кои (поголем дел од нив) дојдоа со своите сопруги/партнерки во шпанската престолнина. Свечена, но во исто време и пријатна гала вечер, која служеше за запознавање и дружење на шефовите на држави и влади пред официјалните состаноци овие денови.
Ревија на лидери и први дами
Пред вечерата, лидерите продефилираа во кралската соба на палатата за да се сретнат со шпанското кралско семејство. Можност за откривање на изгледот на гостите. Домаќинката на вечерта, Летиција од Шпанија, се појави во сигурен и проверен моден избор – фустан кој веќе го носеше во минатото и за кој собра своевремено бројни пофалби. Станува збор за црн фустан со тркалезно деколте, без ракави и миди здолниште украсен со машнички. Креацијата на The 2nd Skin, шпански бренд кој стана лидер во луксузната женска облека.
Сопругата на шпанскиот премиер Педро Санчез, Бегоња Гомез, го привлече вниманието по нејзиното пристигнување облечена во бисерно сив фустан Marcos Luengo: без ракави, етеричен и елегантен дизајниран од природна свила.
Урсула фон дер Лајен е сосема спротивна во тонот. Претседателката на Европската комисија се појави во црн костум, сако и панталони, со крој по мерка.
Модниот избор го сподели со првата дама на Соединетите држави, која дојде рака под рака со претседателот по денот поминат заедно со Летиција од Шпанија. Џил Бајден за оваа прилика избра беспрекорна бел комплет – сако и панталони – во стил на смокинг.
Поздравот меѓу американскиот претседателски пар и шпанското кралско семејство изгледаше како да е еден од најсрдечните на вечерта, знак дека има добро разбирање и покрај тоа што ова е прва официјална средба на четворицата.
Брижит Макрон беше меѓу најочекуваните на вечерта. И „премиерката“ на Франција не разочара во модниот избор. Рака под рака со сопругот, таа се претстави во сафирен сатенски фустан, со висока јака и надуени ракави.
На гала вечерта блесна премиерката на Исланд која пристигна сама. Катрин Јакобсдотир стана премиерка на Исланд минатата година, а нејзината земја стана првата европска држава со женско парламентарно мнозинство. 33 од 63 пратенички места во Парламентот, или 52 отсто, ги добија жени.
Убавата млада премиерка пристигна облечена во син фустан со разигран шарен принт со миди должина и чевли со високи потпетици.
Тотално црвен елегантен изглед за сопругата на претседателот Пендаровски, Елизабета Ѓоргиевска, вклучувајќи ги и чевлите со високи потпетици и плик -чантичката.
Креацијата е на македонскиот моден дизајнер Никола Ефтимов.
View this post on Instagram
View this post on Instagram
