Поранешната водителка Николина Пишек во мај годинава го загуби сопругот, историчарот на уметност Видој Ристовиќ, а шест месеци пред тоа конечно, по осум години брак, ги променила податоците во документите.
Имено, таа на тој чекор се одлучила дури есента минатата година, па по низата проблеми кои ги доживеала поради непроменетото презиме, конечно во пасошот, личната карта и другите лични документи била напишана како Николина Ристовиќ.
– Ристовиќ, така е! Сега и официјално ги сменив сите документи, па и официјално сум Ристовиќ. Конечно, по осум години брак! За тоа време добив неколку казни поради непочитување на прописите – изјави таа за хрватски 24sat во ноември, пренесува српски „блиц“.
– Не е тешко да се сменат документите, но јас сум мрзелива. Тоа е како друг пар чевли. Меѓутоа, сега ме стиснаа некои бирократски заврзлами, па морав да сменам. Не си го смени презимето? Браво, браво, паметна жена… (се смее). Успеав се да сменам – додала своевремено таа за хрватскиот медиум.
Да потсетиме, со денови не престанува семејната караница и јавните пресметки меѓу Николина Пишек и нејзиниот свекор Витор Ристовиќ, татко на нејзиниот покоен сопруг Видоје. Отворениот конфликт, кој започна неколку дена по 40-дневниот помен, продолжува секој ден пожестоко, а со тоа излегуваат и нови детали и информации за проблемите во ова семејство.
