Николија Јовановиќ и Реља Поповиќ конечно го кажаа судбоносното „да“ и ја крунисаа својата долгогодишна љубов со брак.
Еден од најпознатите парови на српската сцена одлучи да го направи овој голем чекор, а среќната вест осамна на инстаграм-профилот на „Вог Адрија“, која објави видео од нивната свадба.
Николија и Реља се заедно 12 години, а во текот на нивниот заеднички живот добија две ќерки, кои ја направија нивната љубов уште посилна. Иако со години живееја во вонбрачна заедница, сега решија да ја подигнат својата приказна на ново ниво и да ја официјализираат својата врска пред законот.
Како што може да се види во видеото, парот се одлучи за интимна церемонија, далеку од јавноста и гламурозните свадбени прослави. Николија и Реља се венчаа во општината, а потоа организираа мала тајна прослава за своите најблиски, сакајќи да го споделат овој посебен момент со луѓето кои им се најважни.
View this post on Instagram
Во видеото, двајцата блескаат, а насмевките и нежните погледи кажуваат повеќе од зборови. Николија и Реља изгледаат среќно и заљубено, како повторно да го потврдија она што нивните обожаватели го знаат долго време – дека нивната љубов трае и покрај годините, предизвиците и животот под будното око на јавноста.
Нивната приказна отсекогаш привлекувала внимание, но тие најчесто ја држеа приватноста на своето семејство подалеку од медиумите. Иако двајцата се успешни во своите кариери, се чини дека семејството и заедничкиот живот им се најважни.
