Сите се прашуваат што се случува во британското кралско семејство. Имено, Кејт Мидлтон не била видена ни слушната ни од нејзиниот најблизок персонал, пишува US Weekly. Последниот нормален момент во јавност го имаше на Божиќ, по што беше оперирана на абдоменот во средината на јануари.
„Неколкумина од високиот персонал на Кејт не можеа да ја видат или да разговараат со неа, а не ни знаеја за операцијата додека палатата не ја објави веста, беа изненадени“, изјави извор за странскиот медиум.
„Само неколку луѓе знаат што навистина се случува, но тие молчат за тоа“, додаде тој.
Според „Ју-ес викли“, по операцијата, Кејт имала само двајца посетители – кралот Чарлс III и кралицата Камила.
Мистериозното отсуството на Кејт Мидлтон води до ширење на бројни теории на заговор: обожавателите на принцезата се загрижени што се случува со неа и наоѓаат се повеќе докази дека нешто не е во ред.
Да потсетиме, таа пред една недела објави фотографија со своите деца за да го честита Денот на мајката во Велика Британија. Во описот на фотографијата стои дека оваа година фотографијата е направена од нејзиниот сопруг, принцот Вилијам. По откривањето дека станува збор за фотошоп и извинувањето за тоа, наводно од самата принцеза, фотографијата е отстранета.
View this post on Instagram
Фановите шпекулираат за тоа што можело да се случи со Кејт – до тој степен што некои веруваат дека таа е во кома. Други сметаат дека операцијата била неуспешна и дека принцезата од Велс е во тешка состојба.
Најпопуларните две верзии се дека принцот Вилијам ја изневерил со својата долгогодишна љубовница, која од него родила дете, а Кејт не издржала такво понижување и си заминала. А другата популарна верзија е дека Кејт е „коска и кожа“ и се бори со страшното нарушување болимија, во комбинација со анорексија.
Интересно е што палатата се обидува да ги игнорира гласините и не одговара на барањата на новинарите.
