Актерката им честитала на парот за венчавката и испратила подарок.
И по свадбата на Џенифер Лопез и Бен Афлек пристигнуваат подароци од многубројни пријатели на парот, но и од обожаватели ширум светот. Но стигна и едно изненадување. Подарок од поранешната сопруга на Бен Афлек, Џенифер Гарнер, известува Холивуд Лајф, кој го објавува убавиот гест што Гарнер го направила кон младенците.
Џенифер Гарнер им „честитала на Бен и Џеј Ло по нивната венчавка во Лас Вегас и им испратила прекрасен букет цвеќе“. Потег кој не ја остави рамнодушна Џеј Ло, која била трогната од таквата добрина на глумицата.
„[Џ.Ло] мисли дека е одлично што Џен и Бен се уште се толку блиски“, вели изворот за Hollywood Life. Всушност, откако Бен и Џен се разделија, тие работеа напорно за да одржуваат добри односи додека ги воспитуваа своите три деца, Вајолет (16), Серафина (13) и Семјуел (10). „Џен официјално ја пречека Џеј Ло во нивното семејство откако се венчаа“, рече изворот, додавајќи дека актерката од „Алијас“ мисли дека Џеј Ло и Бен требало да бидат заедно. Не само тоа: „Џен ја почитува Џеј Ло како жена и како мајка. Таа го цени начинот на кој Џеј Ло се грижи за нивните деца исто како што се грижи за нејзините“. Условите за сложно големо семејство се тука.
