Поп-пејачката Милица Тодоровиќ, која на 3 февруари го роди синот Богдан, синоќа со бебето го напушти породилиштето и се врати во својот дом во луксузна населба на Нов Белград, пренесуваат српските медиуми. По неа дошла нејзината мајка Јасмина, која ѝ помага во првите денови по породувањето.
Веќе следниот ден, пред зградата во која живее пејачката, се случи неочекувана сцена што го привлече вниманието на соседите. Како што сведочат станарите, пред влезот се појавиле трубачи кои отсвиреле десетина песни.
– Сè беше целосно неочекувано. Луѓето излегуваа на прозорците за да видат што се случува. Сите помислија дека музиката е посветена на Милица – изјави еден од соседите.
Друг станар додава дека атмосферата била весела и дека многумина го снимале настанот.
– Трубачите беа елегантно облечени и стоеја пред самиот влез. Се создаде пријатна и радосна атмосфера – раскажува таа.
Иако засега нема официјална потврда, медиумите наведуваат дека станува збор за изненадување организирано од партнерот на пејачката, по повод раѓањето на нивниот син.
По раѓањето на детето, Милица Тодоровиќ кратко се огласи во медиумите, истакнувајќи дека ѝ се остварила најголемата животна желба – да стане мајка, но и дека поради силниот стрес што следел по породувањето, се соочила со здравствени потешкотии.
– Ми се исполни најголемата желба во животот и благодарна сум на Бога за тоа. Ве молам да ја почитувате мојата приватност и приватноста на моето семејство, како и досега. Кога ќе дојде време, ќе зборувам за сè. Сега сакам само да се опоравам и да бидам среќна со моето дете – изјави пејачката.
Таа додаде дека поради стресот го изгубила млекото и дека во моментов најважно ѝ е здравјето на бебето.
