Српскиот репер Драгомир Деспиќ – Десингерица проговори за неодамнешното приведување на црногорското приморје, откривајќи дека минал неколку часа во полициска станица бидејќи кај себе немал лична карта.
„Виновен сум што немав документи и не се срамам од тој прекршок. Ја платив казната, ги испочитував законите на туѓа држава и нема потреба да правиме филм од тоа што бев малку во станица. Полицајците само си ја вршеа работата“, изјави тој.
Реперот ги коментираше и честите полициски рации во клубовите каде што настапува, истакнувајќи дека тоа е нормална процедура и дека ноќниот живот на приморјето годинава е значително помирeн.
Покрај приведувањето, бура во јавноста предизвикаа и снимките на кои тој ја шиша публиката за време на настапите. Десингерица тврди дека никогаш никого не принудува, туку фановите сами молат за тоа од првите редови.
„Велат: ’Ги шиша луѓето’. Па ајде тогаш да ги затвориме сите фризерски салони. Прават од мене како да сум сериски убиец, а јас само правам добра журка. Не планирам ништо однапред – некој сака да се ошиша, некој да јаде, а јас само ги почитувам желбите на публиката. Ако сум прекршил закон, ќе одговарам“, заклучи реперот.
