Поранешниот македонски кошаркар Перо Антиќ и неговата партнерка Сања Ристиќ одбележаа три години од почетокот на нивната љубовна врска. Јубилејот го прославија во романтична атмосфера во Афитос, на Халкидики, од каде што споделија заеднички фотографии на социјалните мрежи.
Двојката уживаше во вечера во ресторан сместен на карпа со прекрасен поглед кон морето, а по тој повод разменија и емотивни пораки.
„Среќна годишнина и уште многу заедно, моја љубов и светлина“, напиша Сања на фотографија објавена на Инстаграм Стори.
Перо, пак, објави заедничка фотографија со кратка, но симпатична порака:
„три години со ова ѓаволче“, напиша тој, додавајќи емотикон во форма на срце.
Дека нивната врска е исполнета со љубов и меѓусебна поддршка, Сања откри и во интервју за „Слободен печат“, каде што зборуваше за почетоците на нивната романса.
„Сосема спонтано, искрено никогаш во животот не сум ни помислила дека нашите два карактери би можеле да се синхронизираат заедно. И двајцата сме прилично темпераментни карактери. Ме освои со својот самоуверен пристап, а уште повеќе што од прв ден ме прифати токму онаква каква што сум, со сите мои квалитети и маани, и ме нарече ‘мое совршенство’. Нема поубаво од човек да е слободен во својата кожа и да е прифатен онаков каков што го создала природата“, изјави тогаш Сања за „Слободен печат“.
