Во ретко издание за неа, принцезата од Велс упати лично извинување за „конфузијата“ околу фотографијата на која позира со нејзините три деца на Денот на мајката, бидејќи призна дека ја „уредила“ сликата откако медиумите ја отстранија од своите социјални мрежи поради тврдењата дека била фотомонтажа.
Тоа требаше да биде неформална семејна фотографија која на светот му покажува дека на принцезата од Велс ѝ оди добро по нејзината неодамнешна операција, но фактот дека фотографијата е фотошопирана (односно – според некои – фотомонтажа) ја натера идната кралица од заедничкиот профил со сопругот, принцот Вилијам, јавно да се извини за хаосот. Но кој всушност се извини? Таа, или тоа го направи некој во нејзино име. И тоа прашање останува неодговорено.
На прв поглед можеби изгледа како нормална семејна фотографија, но се појави загриженост за исчезнатиот дел од ракавот на принцезата Шарлот и неусогласениот раб на нејзиното здолниште, како и положбата на патентот на облеката на Кејт. Експертите за фотомонтажа си го кажаа мислењето од кое не може да се побегне, па оттука и извинувањето.
Сепак, не само Кејт Мидлтон, туку и други членови на кралските семејства своевремено јавно се извинија за одредени грешки и инциденти. Ве потсетуваме на нај(о)зборуваните случаи кои се однесуваат на извинувања од страна на кралското семејство.
Софи, војвотката од Единбург
Сопругата на најмладиот син на Елизабета Втора и принцот Филип, сè уште во статус на грофица од Весекс, испратила писмо со извинување до англискиот актер, режисер и комичар Френк Скинер по нивната средба на Кралскиот естраден перформанс во декември 2022 година.
Уметникот подоцна раскажа како кралското семејство го критикувало неговиот настап со Дејвид Бадиел изведувајќи ја песната „Три лава“. Тој сподели со новинарите дека се чувствувал многу лошо пред настапот. Сепак, и покрај физичката болка, Скинер настапил пред членовите на кралското семејство.
„Постепено ми беше се полошо и полошо како што одминуваше денот. И потоа, дојде вечерта кога настапувавме. Всушност ме болеше да пеам“, рече искено Френк Скинер.
По ова, Софи му пријде на уметникот и ја критикуваше неговата изведба. Кралското семејство му рекол на Френк Скинер дека неговиот настап не бил како вообичано и дека тој „никогаш не направил вакво нешто порано“.
Таа ме погледна како: „Не треба да се расправаш, мислам дека не треба да се расправаш со мене, треба само да кимнеш со главата. Беше многу незгодно“, призна Скинер.
Во февруари 2023 година, Френк во својата радиоемисија потврди дека добил лично извинување од Софи, што тој го нарече „убав гест“.
„Оваа недела добив навистина слатка белешка, неочекувано, од некој за кој зборував во една радиоемисија. Беше напишано ракописно и беше слатко, навистина ми се допадна“, сподели комичарот.
Принцот Хари
Принцот Хари се извини што присуствувал на маскенбал-забава облечен во костим -нацистичка униформа, во јануари 2005 година. Фотографијата, објавена на насловната страница на весникот „Сан“, го прикажува Хари како ужива во пијалак и цигара.
„Многу ми е жал ако некому му нанесов навреда или срам. Тоа беше лош избор на костим и се извинувам“, изјави принцот Хари во официјалното соопштение.
Патем, во книгата со неговите мемоари, објавена под наслов „Резерва“, принцот Хари изразува малку изменета верзија на инцидентот. Така, тој тврди дека принцот Вилијам и Кејт го одобриле неговиот нацистички костим.
„Тоа беше избор помеѓу две опции: пилотска униформа или нацистичка униформа. Ги повикав Вили и Кејт и ги прашав што мислат. Тие рекоа нацистичка униформа”, напиша принцот Хари во своите мемоари.
Сара, војвотката од Јорк
Во 2011 година, Сара се извини што прифатила пари од осудениот сексуален престапник Џефри Епштајн. Сара им рекла на новинарите дека ѝ требаат пари за да ги отплати долговите, но се кае што ги земала.
„Лично, длабоко жалам што Џефри Епштајн ме контактираше на каков било начин. Се згрозувам од педофилија и каква било сексуална злоупотреба на деца и знам дека тоа беше огромна грешка. Толку се каам што не можам ни да ја изразам мојата жалост“, рече војвотката.
Кралот Вилем-Александар и холандската кралица Максима
Членовите на холандското кралско семејство се извинија откако го прекршиле социјалното растојание додека биле на одмор на грчкиот остров Миконос во август 2020 година во екот на пандемијата на коронавирус. Кралскиот пар извинувањата ги објави на социјалната мрежа Икс (поранешен Твитер).
„Во медиумите се појави фотографија на која држевме премала социјална дистанца. Во тоа време, не обрнувавме големо внимание на ова. Требаше да бидеме загрижени за коронавирусот. Бидејќи почитувањето на правилата поврзани со коронавирусот е исто така важно и кога сте на одмор, треба да се преземе одговорност постапките да бидат под контрола“, се вели во соопштението на кралската двојка.
Вилијам, принцот од Велс
Принцот од Велс се извини во име на неговата сопруга Кејт кога таа го откажа патувањето на Малта во септември 2014 година. Принцот Вилијам присуствуваше на прославата на Денот на независноста во Малта на местото на војвотката, која страдаше од хиперемезис гравидарум (тешка утринска мачнина) за време на нејзината втора бременост.
Принцот Филип
Сопругот на покојната британска кралица испратил писмо со извинување до една од жените вклучени во сообраќајната несреќа во која учествувал самиот тој во јануари 2019 година.
„Би сакал да знаете колку ми е жал поради несреќата кај Бабингли Јункшн… Сонцето сјаеше ниско на главниот пат. Во нормални услови немаше да имам потешкотии да ги видам возилата што доаѓаат од правец од Дерсингем. Но, не можев да го видам автомобилот што се приближуваше и многу се каам. Шокиран сум од она што се случи и многу ми беше мило што никој од вас не беше сериозно повреден“, напиша Филип.
