Принцот Хари и Меган Маркл изјавија дека никогаш не ја навеле приватноста како причина да се оддалечат од кралските должности. За тоа пишува „Би-Би-Си“ повикувајќи се на изјавата на прес секретарката на војводата и војвотката од Сасекс, Ешли Хансен.
Портпаролката го нарече ова мислење „искривување на наративот“.
Според неа, принцот Хари и Меган Марл секогаш имале намера да извршуваат јавни должности по напуштањето на кралското семејство. Во 2020 година, тие рекоа дека планираат да го балансираат времето помеѓу Обединетото Кралство и Северна Америка и да продолжат да ја исполнуваат нивната должност кон кралицата, Комонвелтот и покровителството.
Тогаш многумина мислеа дека Хари и Меган Маркл решиле да се „пензионираат“ поради мешањето на новинарите.
„Војводата и војвотката никогаш не ја наведоа приватноста како причина за повлекување. Овој искривен наратив имаше за цел да го замолчи парот“, објасни Хансен.
Претходно беше објавено дека принцот Вилијам и Кејт Мидлтон не ја гледале документарната серија на Хари и Меган.
