Дијана Ѓоковиќ, мајката на најдобриот светски тенисер Новак Ѓоковиќ, во една од своите ретки искрени исповеди отворено прозборе за односот и несогласувањата со снаата Јелена Ѓоковиќ. Иако Новак и Јелена со години практикуваат строго дефиниран начин на живот кој исклучува месо и глутен, Дијана призна дека не се согласува со нивните избори, посебно кога е во прашање исхраната.
Говорејќи за нивните семејни средби и динамиката со снаата, Дијана искрено ја опиша ситуацијата:
„Тие за жал ретко доаѓаат, си создадоа свое семејство и своја оаза. Јелена одредени работи ги прави на свој начин. имаме различни мислиења, особено по прашањето за исхраната која јас не ја поддржувам. Сепак, кога и да имаме време се обидуваме да се видиме, а кога доаѓаат кај нас дома, сакам и внуците да ја почувствуваат таа топлина на домот на баба и дедо“.
Мајката на тенискиот ас откри дека за време на посетите на внуците, нивните строги нутриционистички правила често паѓаат во втор план благодарение на традиционалните рецепти:
„Многу ги сакаат моите познати палачинки. ги слушам како викаат: ‘Бабо, направи ни палачинки’, па тогаш се надмудруваме: ‘Кои ги сакате, безглутенски или нормални?’, а Стефан веднаш вели: ‘Бабо, направи нормални, пушти ги тие безглутенските’.“
Дијана се потсети и на детството на Новак, откривајќи дека тој и неговите браќа обожавале домашни благи работи — особено бајадери, бисквит-торта и познатата француска торта „маркиза“ — нагласувајќи дека и покрај разликите во ставовите, семејната блискост и љубовта остануваат на прво место.
