На 75-годишниот крал на Велика Британија Чарлс Трети, кој неодамна беше хоспитализиран во болница во Лондон поради зголемена простата, по низа тестови му беше дијагностициран рак, пишува Бакингемската палата. Монархот мораше да се врати во Лондон.
„За време на неодамнешната болничка процедура на кралот за бенигна зголемена простата, беше забележано посебно прашање за загриженост. Последователните дијагностички тестови открија форма на рак. Неговото височество денеска започна со редовно лекување, при што лекарите го советуваа да ги одложи јавните обврски. Во овој период, Неговото Височество ќе продолжи да ги води владините работи и официјалната документација како и обично. Кралот е благодарен на својот медицински тим за брзата интервенција овозможена со неодамнешната процедура во болницата. Тој останува целосно позитивен во однос на неговото лекување и се надева дека ќе се врати на целосните општествени активности што е можно поскоро. Неговото височество одлучи да ја сподели својата дијагноза за да спречи шпекулации и со надеж дека тоа ќе помогне во јавното разбирање на сите оние ширум светот погодени од рак“, се вели во соопштението.
Не е познато кој орган е засегнат. Она што е познато е дека ракот не е поврзан со простатата и не е поврзан со неодамнешната операција на кралот.
Дијагнозата на кралот ќе покрене сериозни прашања за функционирањето на монархијата, бидејќи сега прашањето за пренесување на тронот на принцот Вилијам може да стане многу итно.
Оваа вест ги шокираше Британците, кои се уште не се опоравија од информацијата за тешката операција на абдоменот на која неодамна се подложи Кејт Мидлтон. И иако онколозите велат дека принцезата од Велс нема рак, нејзиниот процес на закрепнување ќе потрае.
