Српската премиерка Ана Брнабиќ која е во официјална посета на нашата земја, изјави дека Србија ќе и остане доверлив партнер на Макеодонија во сите предизвици. На средбата со премиерот Димитар Ковачевски, Брнабиќ – освен впечатливата елоквенција – го покажа и својот впечатлив, веќе препознатлив, стил.
Излегува од автомобилот, и – како што е редот, а тоа добро го знаат само политичарите со истенчени манири, го запетлува копчето на сакото, па дури потоа ја подава раката за да се поздрави.
Како и вообичаено за официјални средби, Брнабиќ носеше сако, бела кошула, панталони и рамни унисекс кожени чевли, но не било какви, туку со совршен крој, како скроени по мера. Модниот избор на Ана и овојпат нè потсетува на пионерката на андрогениот стил, Марлен Дитрих. Избор на кој може да ѝ позавидат и сите машки колеги, на кои често во модниот изглед им конкурира, а уште почесто – ги засенува.
Не ретко се зборува за уникатниот стил на Брнабиќ и во српските медиуми, за кои премиерката на Србија своевремено откри дека за купувањето на гардеробата е „задолжена“ нејзината партнерка Милица со која е во врска веќе 12 години.
– Јас не ги знам брендовите, марките. Мене Милица сè ми купува. Навистина не знам – според „јутарњи лист“ рекла Брнабиќ во една телевизиска емисија, каде што и навела дека најмногу сака да слуша музика од 80-те години.
