Комичарот Пит Дејвидсон, актуелно момче на старлетата Ким Кардашија, следната недела ќе стане астронаут. Како што протече информација пред неколку дена, а сега е веќе потврдена, комичарот и водител на американската емисија „Saturday Night Live“ ќе опатува во вселената со компанијата на Џеф Безос, Blue Origin.
Основачот на Амазон овојпат нема да биде меѓу оние кои ќе патуваат во веслената. Во овој четврти лет на компанијата ќе освен „избрани“ луѓе, ќе има и екипаж, претприемачи кои имаат бизнис поврзан со вселената и филантропи. Мисијата ќе се случи следната среда, на 23 март.
Уште пет луѓе ќе му се придружат на Пит во овој нов потфат на вселенската компанија. Комичарот ќе биде гостин на летот, додека другите си го купиле билетот по прилично солена цена.
Ракетата „Њу Шепард’ ќе биде лансирана во вселената од место во Западен Тексас. Летот ќе трае приближно 10 минути и патниците ќе можат да искусат микрогравитација. Ова ќе биде четврта мисија на „Њу Шепард“.
Инаку, Безос полета во вселената на 20 јули минатата година со првата мисија „Њу Шепард“. Втората мисија беше во октомври, а третата во декември.
Пит Дејвидсон е во врска со Ким Кардашијан речиси половина година. Минатиот петок таа на својот Инстаграм профил конечно објави дека е во врска со Пит, постирајќи две заеднички фотографии.
View this post on Instagram
