Иако Митар Мириќ важи за еден од најпопуларните пејачи на регионалната естрада, без чии песни не поминува речиси ниту една прослава, тој успева вешто да го крие својот приватен живот од очите на јавноста. Познато е дека пејачот веќе долго време ужива во брак со сопругата Сузана Мириќ, за која сепак многу ретко зборува во медиумите.
Сузана избра сосем поинаков пат од својот сопруг и живее мирен и скромен живот, целосно далеку од естрадните светла и рефлекторите.
„На нејзино место, не знам дали би бил толку толерантен“
Кога во една прилика отворено зборуваше за медиумите за својот однос со Сузана, фолк-пејачот призна дека е свесен колку за неговата сопруга е предизвикувачки животот со естрадна ѕвезда. Тој искрено додаде дека, доколку улогите беа заменети, самиот тој веројатно немаше да има толку трпение.
„Мене, на пример, не би ми било сеедно да сум на нејзино место. Не знам дали јас би можел да бидам во врска или брак со пејачка… Мислам, зошто да не, но сè зависи од самата личност“, изјави тогаш Митар.
Пејачот искрено се осврна и на искушенијата што ги носи неговата професија, па на прашањето дали Сузана некогаш морала да „замижи“ пред одредени ситуација во кариерата, тој кратко одговори:
„Па, можеби и морала. Всушност, јас мислам дека дефинитивно имало такви ситуации, но за среќа, не беа толку чести.“
Вистината зад неговото име: Дали Митар е всушност Димитрие?
Покрај неговиот приватен живот, во јавноста долго време кружеше уште една интересна мистерија поврзана со пејачот. Имено, во медиумите со години се провлекуваше гласина дека правото име на познатиот фолкер всушност не е Митар, туку Димитрие.
Сепак, гостувајќи во една телевизиска емисија, пејачот реши конечно да ги демантира овие нагаѓања и ја откри вистината.
Тој потврди дека неговото вистинско име во личната карта е навистина Митар, а до забуна во јавноста веројатно дошло бидејќи луѓето често го доживуваат ова име како скратеница или прекар од Димитрие. Иако тоа не е неговото име, пејачот низ насмевка додаде дека името Димитрие исто така многу му се допаѓа.
