Милица Тодоровиќ го прекина својот настап за да им се обрати на група момчиња во клубот, предизвикувајќи смеа и воодушевување кај публиката.
По подолга пауза поради породувањето, популарната пејачка Милица Тодоровиќ повторно се врати на сцената и уште на првиот настап успеа да ја крене публиката на нозе и да создаде одлична атмосфера во клубот. Ситуацијата дополнително се вжешти кога среде изведба на една песна го прекина настапот за директно да им се обрати на група момчиња во публиката, кои делувале нерасположено.
Очигледно расположена за шега, пејачката од сцената им упати духовита забелешка и јавно ги прозва поради недостигот од енергија, што предизвика смеа и воодушевување кај присутните.
„Брате, кажи ми, јас не можам да го гледам ова. Кажи ми“, рече таа, по што настана кратка непријатна тишина.
„Па ти не ги сакаш овие песни, зошто си дошол?“
Потоа низ смеа му се обрати и на неговото друштво:
„А вие сте го донеле на сила, а тој е типичен рокер, нели?“
Милица потоа од сцената им порача дека сака да ги види како се забавуваат.
„Момци, момци! Малку весело, весело“
Пејачката Милица Тодоровиќ се повлече од јавноста кога остана бремена, а дури неодамна почна повторно да им се враќа на настапите. Малкумина знаат дека таа со години наназад има сопствена фирма преку која го води своето работење.
