Модната дизајнерка Мелина Џиновиќ се мажи овој викенд во Монако за богатиот 70-годишен англиски бизнисмен Џефри Пол Арнолд Деј.
Прославата ќе биде гламурозна и ќе се одржи во еден од најлуксузните хотели, кој е омилено место на светските милијардери. Гостите доаѓаат од целиот свет, а на местото на прославата ќе пристигнат со луксузен организиран превоз, вклучувајќи јахти и хеликоптери. Нејзината кума на оваа свадба ќе биде убавица од семејството Кариќ.
Што се однесува до ќерката на Мелина, Џина, таа ги изненади сите кога ги избриша сите свои профили на социјалните мрежи неколку дена пред свадбата.
Харис и Мелина Џиновиќ се разведоа по 23 години врска и 10 години брак. Двајцата се венчаа во 2014 година, а свадбата беше една од најлуксузните на шоу-бизнис сцената.
Свадбата се одржа на јахтата „Малтешки сокол“, која беше закотвена во близина на Дубровник.
Да се венчаат ги убеди Славица Еклстон, кума на Мелина и поранешна сопруга на сопственикот на Формула 1. Од друга страна, кум на Харис беше Филип Септер.
