Пејачката Анета Љумаковска повторно го привлече вниманието на јавноста, овојпат со опуштена и природна фотографија во друштво на својот партнер Рубин Размо, саксофонистот од нејзиниот бенд.
На објавата, Анета се појавува без шминка, во лежерен стил, со капче и спортска јакна, додека нејзиниот сакан е исто така облечен во темни, едноставни парчиња. Двајцата изгледаат складно и ненаметливо, далеку од сценскиот гламур на кој публиката е навикната.
„Време е за мохито“, пишува на оваа опуштена фотографија.
„Што се однесува до тоа дали сум повторно вљубена и дали имам некој во мојот живот, еве сега решив да се изјаснам и јавно да им ставам крај на шпекулациите – да, вљубена сум, но не повторно, туку за првпат во мојот живот“, изјави Анета за „Гламур магазин“.
Рубин е, инаку, поранешен член на групата „Молика“, со која Анета настапуваше.
