Војвотката од Сасекс Меган Маркл присуствуваше на концерт на пејачката Тејлор Свифт, пренесува Пипл, цитирајќи свој извор.
Инсајдер тврди дека Маркл присуствувала на концертот на пејачката во Лос Анџелес и дека одлично се забавувала. Таа „стана да пее заедно“ со публиката на песната „You Belong with Me“.
View this post on Instagram
Принцот Хари не бил со сопругата, бидејќи привремено ги напушти САД. Војводата од Сасекс (38) беше фотографиран на 8 август како пристигнува на аеродромот Ханеда во Јапонија пред Самитот за спортски вредности. На Хари му се придружил неговиот пријател и поло ѕвезда Игнасио „Начо“ Фигуерас, кој исто така присуствува на самитот.
Концертот на Тејлор Свифт се одржа во Лос Анџелес како дел од светската турнеја на ѕвездата, насловена Ерас. Американскиот дел од турнејата започна во САД на 17 март 2023 година во Глендејл, Аризона. Турнејата на Свифт ќе заврши на 23 ноември 2024 година во Торонто, Канада.
На 8 август се дозна дека титулата „Неговото кралско височество“ на принцот Хари е отстранета од официјалната веб-страница на кралското семејство на Велика Британија. Тоа доаѓа три години откако принцот Хари и Меган Маркл се повлекоа од вработени членови на кралското семејство и се преселија од Велика Британија во САД.
