Водителката Душица Јаковљевиќ, ги сумираше впечатоците по завршувањето на деветтата сезона на шоуто „Елита“. Таа неодамна купи нов стан, но за медиумите отворено говореше и за операцијата што ѝ претстои.
Јаковљевиќ, која моментално е во процес на опремување на новиот дом, неодамна се најде на мета на критики поради изгледот на нејзиниот нос. Водителката никогаш не ги криеше естетските корекции што ги има направено на лицето и телото, а сега по финалето откри дека ја чека уште еден зафат.
„Сè уште ништо не сум планирала за одмор. Најважно ми е што организирав моите деца да заминат на летување, бидејќи им е потребно исто колку и мене. Јас малку отпатував до Сплит пред финалните вечери, но ме очекува преселба, ме очекува, да даде Господ, и операција… ме очекуваат толку многу работи што не знам дали ќе успеам сè да постигнам, но полека“, вели Душица.
Таа потоа појасни за каква интервенција точно станува збор:
„Пред сè е од здравствен, па дури потоа од естетски карактер. Имаше многу шпекулации околу мојот нос. Да беше до тоа да им се допаднам на другите, никогаш не би го оперирала, бидејќи толку многу зборуваат за него што намерно не би го чепнала. Замислете уште и носот да го оперирам за да ми биде совршен — која мана тогаш ќе ми ја најдат? Се шегувам. Но, станува збор за една многу сложена интервенција и зафат. Дали ќе биде сега? Би сакала да биде во текот на летово, за да можам потоа цела наредна сезона да бидам присутна и да не отсуствувам. Но, ќе видиме“, заклучи водителката.
