Поранешните ријалити-учесници Луна Ѓогани и Марко Миљковиќ моментално престојуваат на Малдиви, каде што Марко ѝ приредил изненадување на сопругата за нејзиниот 30. роденден. Патувањето, како што открија, било негов подарок и долго најавувано ветување.
Двојката има две ќерки, Миа и Лана, а следбениците ги насмеа нивното објаснување како им кажале дека заминуваат.
„Миа го виде пасошот и праша каде одиме. Ѝ рековме дека мама и тато одат во Крушевац нешто да завршат неколку дена и дека ќе ѝ донесеме нешто убаво“, раскажа Марко, додавајќи дека девојчето сè уште не е свесно дека ќе ги нема една недела.
Луна не ја криеше радоста: „Ми требаше ова. Пресреќна сум што конечно одам на Малдиви. Ова ми го подари мажот за 30. роденден“/
Сместени се во вила директно на плажа, на остров наменет само за возрасни, со услуга од пет ѕвезди. На креветот ја дочекала и романтична порака: „Око, среќен роденден. Марко“.
Луна неодамна јавно зборуваше и за бракот, истакнувајќи дека во моментов не би можела да прости неверство.
„Подобро е да се живее во здрава и нормална семејна средина, отколку по секоја цена да се остане во брак без среќа“, изјави таа, додавајќи дека децата најмногу страдаат кога односот меѓу партнерите не функционира.
