Во семејниот стан на познатиот српски пејач Марко Булат, рано утрово се случил инцидент по што интервенирала полицијата. Неговата сопруга, Марија Булат, пријавила физичко насилство, дознава српски „Телеграф“.
Како што дознава „Телеграф“, полицијата го привела Булат во полициска станица.
По пријавата на Марија, полицијата ќе спроведе информативен разговор со него, со цел да утврди дали имало насилство меѓу сопружниците.
Надлежните служби во моментот работат на проверка на сите наводи од пријавата. Се очекува да бидат земени изјавите на двајцата сопружници, а во зависност од степенот на повредите и извештајот на дежурните служби, ќе се донесе одлука за понатамошно постапување и евентуални пријави.
Двојката и претходно имала разни турбуленции во приватниот живот, но инцидентот што се случил утрово фрли нова светло врз нивните семејни односи. Марко и Марија Булат до овој момент не се огласиле официјално за овој инцидент.
