Како што ексклузивно дознава Телеграф.рс, познатиот композитор Александар Радуловиќ Фута основал „Џеј трибјут бенд“ во чест на починатиот пејач Џеј Рамадановски, кој веќе е подготвен да започне со настапи, а кој ќе ги изведува исклучиво хитовите на легендарниот уметник од Дорчол, потпишани од него и неговата сопруга, неприкосновената хитмејкерка – починатата Марина Туцаковиќ.
Членови на бендот се помладата ќерка на Џеј, Марија Рамадановски, 25 години најдобриот пријател на Џеј, Зоран Јагодиќ Руле, како и македонскиот пејач Мите Стоилков, кој сега открива како се чувствува за тоа.
Мите, како реагираше кога те повика Фута?
– Пред се, морам да кажам дека е чисто задоволство да се биде овде денес, благодарение на господинот Александар Радуловиќ Фута и на целиот тим. Затоа, навистина сум изненаден што сум дел од овој тим. Сепак, Џеј имаше свој стил, така што ова е голема одговорност.
Која е одговорноста, дали имате страв од сцената?
– Имам нервоза и голема одговорност. Но, за мене е голема чест да ги пеам неговите песни на настапи. Едноставно, тој секогаш живее со нас, вели Македонецот за српски Телеграф.
