Познатата пејачка Едита Арадиновиќ неодамна стана мајка на ќерката Зоиа и реши максимално да се повлече од јавноста за да ужива во мајчинството. Сепак, убавите моменти ги наруши нејзината родена сестра Инди, која преку социјалните мрежи упати тешки зборови до семејството, за подоцна да побара прошка. За овој семеен јазол за првпат прозборе нивната мајка Флорија Арадиновиќ.
Флорија искрено призна дека несогласувањата во куќата не се од вчера, но дека јавниот живот на нејзините ќерки дополнително го отежнува целиот процес:
„Тоа трае веќе многу долго. Не знам кој нема проблем во куќата каде што живее со брат или сестра. Бидејќи се јавни личности, тоа нè чини. Баш нè чини, а луѓето се сурови, што да ви кажам“.
И покрај семејните турбуленции, мајката откри дека Едита одлично се снаоѓа во улогата на мајка, а иако ја прекина врската со таткото на детето Ненад Стевиќ уште за време на бременоста, тие останаа во добри односи и тој редовно учествува во одгледувањето на нивната ќерка.
