Тијана Дапчевиќ на многу емотивен начин ѝ го честиташе роденденот на својата сестра Тамара Тодевска која вчера наполни 41 година.
Таа уште еднаш покажа колку е силна и нераскинлива сестринската љубов. По повод роденденот на нејзината помлада сестра, Тијана сподели архива со огромна емотивна вредност, преслатка заедничка фотографија од нивното детство.
На фотографијата објавена како Инстаграм-приказна двете сестри позираат во прегратка со искрени детски насмевки, потсетувајќи ги сите на нивните почетоци и безгрижните денови пред да станат ѕвезди.
„Љубавкици моја, да скокаш од среќа и пукаш од здравје, да се смееш, да сјаеш, Лука да не те нервира, брчки да не се направиш. Те сакам до крајот на светот. Среќен роденден “, напиша Тијана до оваа слика. Лука е инаку партнерот на Тамара со кој е во неколкугодишна врска.
Тамара не сподели ниту една роденденска приказна на својот Инстаграм-профил кој сега е фокусиран само на промоција на песните од нејзиниот албум „Кукла жива“.
