Вчера низ светот одекна веста за смртта на секс симболот на 60-те и 70те години, легендарната актерка и убавица Ракел Велч.
View this post on Instagram
Ракел Велч ја започна својата кариера на телевизија, како водителка на временска прогноза. Додека работела, младата девојка се обидела да се школува на Универзитетот во Калифорнија во Сан Диего, но не успеала во тоа. Во тоа време, идната ѕвезда имаше две мали деца за одгледување и воопшто немаше пари.
Откако сфати дека не може да заработува доволно како ТВ презентерка, Велч отиде да го освои модниот свет, учествувајќи во емисии и реклами за брендови кои во тоа време биле сосема непознати. Сепак, со заштеда на пари, убавицата реши да се обиде да го освои Холивуд и успеа!
View this post on Instagram
Првата филмска улога Ракел ја доби во 1964 година на 24 години, а во 1966 година стана позната низ целиот свет. За успехотпридонесоа улогите во филмовите „Фантастично патување“ и „Милион години п.н.е.“.
За жал, улогите што ги глумеше Ракел беа фокусирани на нејзината убавина, па така шармантната актерка беше одбиена за посериозни улоги. Сето тоа се смени во 1974 година кога Велч ја глумеше Констанс Бонасие во „Тројцата мускетари: приврзоците на кралицата“ (1974), за која освои Златен глобус.
Убавината на Ракел и способноста да се претстави ја направија навистина славна. Освен во кино салте, таа се најде и на насловната страна на најпознатото машко списание, Плејбој, кое ја нарече „најпосакуваната жена во 1970-тите“.
View this post on Instagram
Личниот живот на Ракел Велч
Ракел буквално се капеше во вниманието на мажите, љубовници и беа познати актери, спортисти и милионери, а Салвадор Дали го наслика нејзиниот портрет.
Актерката беше мажена четири пати, а откако се разведе од последниот сопруг во 2003 година, таа јавно изјави дека повеќе нема намера да се врзува со никого со брак.
Кога сексипилната манекенка го привлекуваше вниманието на мажите, и ѝ се предвидуваше добра иднина во Холивуд, таа ги шокираше сите: неочекувано се омажи за нејзиниот училишен пријател Џејмс Весли Велч. Како што актерката подоцна призна во едно интервју, тоа беше брз брак заснован на чисти емоции: „Тогаш бевме премногу млади, глупави и среќни“. Семејниот живот со Џејмс беше полн со искуства и страсти: парот постојано се караше, а потоа се помируваше. Во бракот, Ракел родила две деца: синот Дејмон кој денес има 62 години и ќерката Тања (60) која тргна по стапките на нејзината мајка и стана актерка.
Но, таа повторно успева да ги изненади сите. Оставајќи го сопругот и земајќи ги децата, таа оди да го освои Холивуд. Формирањето на филмска ѕвезда започнува со запознавање со продуцентот Патрик Кертис, кој наскоро стана вториот сопруг на Ракел. Патрик беше тој што го виде потенцијалот на актерката и почна вредно да создава нов имиџ за неговата сопруга. Факт е дека 70-тите години во американската кинематографија се време на формирање на женската сексуалност на екранот, а Ракел со своите извонредни надворешни атрибути идеално ѝ одговараше како нов секс симбол.
На предлог на нејзиниот сопруг, таа започна да прифаќа мали споредни улоги, но вистинскиот пробив за актерката беше снимањето во култниот филм „Милион години п.н.е.“.
Сликата на прекрасна дива жена во костим за капење од еленска кожа, која не ја крие луксузната фигура на актерката, ги маѓепса обожавателите. Колку и да звучи банално, но по премиерата на филмот, малку познатата актерка преку ноќ се разбуди во вистинска славна личност. „Плејбој“ ја нарече Велч „најпосакуваната жена од 70-тите“, а постерот со нејзиниот лик беше продаден во милиони примероци. Беше поканета на разни настани, најбогатите и највлијателните луѓе во Америка бараа средби со неа, а обожавателите ја користеа секоја прилика да ја видат убавата Велч.
View this post on Instagram
Ракел се капеше во слава. Таа имаше минливи романси, кои наскоро му станаа познати на нејзиниот законски сопружник Патрик Кертис. Но, тој не можеше да ја скроти убавината, како резултат на тоа, парот се раздели.
Набрзо, на Ракел и здодеа имиџот на убавица. Таа сакаше публиката во заводливата убавина да види личност со тежок карактер, со нејзините искуства, стравови и радости. Но, режисерите тврдоглаво не сакаа да видат „русокоса што размислува“, им требаше убавица со одлично тело, со минимум облека, бидејќи токму поради оваа Ракел публиката одеше во кино.
Но Ракел не се откажа, се испроба во различни улоги. Признанието од публиката и дојде во 1975 година, кога и беше доделена престижната награда Златен глобус за улогата на Констанца во филмската адаптација на Тројцата мускетари.
Успехот буквално ја инспирираше актерката. Ова во голема мера беше олеснето со нов брак. Третиот сопруг на Велч беше режисерот и публицист Андре Вајнфелд, кој придонесе за нејзиното откривање како драматична актерка. Но, сериозните улоги на Ракел останаа незабележани од гледачот и критичарите, откако добија само неколку критики во списанијата.
Вистински скандал избувна на сетот на филмот „Cannery Row“ во кој актерката требаше да игра една од главните улоги. Таа дури беше подготвена да се откаже од својот главен принцип и се согласи да игра со голи гради, што никогаш порано не го правела. Но, таа одеднаш доби отказ без предупредување.
View this post on Instagram
Понижената Велч ја тужеше МГМ за прекршување на договорот и на крајот и беше доделена отштета од 15 милиони долари, но тоа не и помогна на нејзината филмска кариера. Напротив, за режисерите и продуцентите, ова беше сигнал дека Ракел Велч е проблематична актерка и подобро е да не се плеткаат со неа.
На личен план, истот така не и одеше добро. Актерката се разведе од третиот сопруг. Извесно време Ракел излегуваше со боксерскиот шампион Гери Стреч, кој имаше 28 години, (а таа 56) со што беше помлад од двете нејзини деца. Разликата во годините ја доведе до прекин врската. Инаку, и покрај нејзината зрела возраст, Ракел сè уште беше згодна и нејзините обожаватели секогаш се вртеа околу неа – па така немаше проблем да биде во врска со многу помлади мажи.
View this post on Instagram
Така, нејзиниот четврти сопруг Ричард Палмер, со кого ги легализираше односите во 1999 година, беше 14 години помлад од Ракел. Тие беа во брак 9 години. Кога оваа заедница се распадна, актерката рече дека повеќе не верува во институцијата брак.
„Кога ќе погледнам назад на моите четворица сопрузи, разбирам дека првиот беше најдобар “, призна актерката.
Во последниве години, секс симболот од 70-тите ретко снимаше. Нејзиното последно филмско дело беше филмот „Како да се биде латино љубовник“, кој излезе пред пет години.
View this post on Instagram
Послендните години од животот Ракел Велч ги помина во својата палата во Лос Анџелес и, и покрај тоа што изгледаше одлично за своите години, водеше нејавен начин на живот, конечно отцепувајќи се од киното и пишувајќи книги и промовирајќи сопствен козметички бренд.
