Овој викенд, односно на 17-ти и 18-ти септември во Штип ќе се одржи 36-то издание на музичкиот фестивал „Макфест“.
Петок е резервиран за дебитантите, а само неколкумина од нив, односно тие со најмногу гласови ќе имаат шанса да се натпреваруваат и во втората финалната вечер рамо до рамо со веќе докажаните имиња од нашата сцена.
Во финалната вечер ќе настапи и младата и талентирана Лара Иванова. Нејзината композиција е насловена „Душа“, на која како автор на музиката и аранжманот се потпишува Иле Спасев, додека пак текстот е повторно дело на маестралниот Робин Зимбаков.
„Со нетрпение го чекам „Макфест“. Ова ќе биде мој трет настап, но се радувам исто како првиот пат. Не се оптеретувам со тоа дали ќе освојам некаква награда, за мене најважно е песната да биде прифатена од публиката и утре да ја пеат кога ќе настапувам некаде“, кусо ни изјави Лара.
