Мала предбожиќна полемика лебди над кралот Чарлс III и повторно се однесува на неговиот помлад брат Ендрју, кој сега е далеку од јавниот живот, но и понатаму се зборува за него.
Последната вест во врска со него е дека кралот ќе плати за приватната придружба (телохранители и обезбедување) на војводата од Јорк од свој џеб: цифра која прилично висока, која, според Телеграф, би изнесувала речиси три милиони фунти годишно.
Британците се со поделено мислење за оваа вест, а многумина се прашуваат зашто тоа го прави за неговиот брат, кога претходно не го направи за својот син.
Безбедноста на членовите на кралското семејство отсекогаш била гарантирана од Скотланд Јард и поради оваа причина се плаќа со јавни средства, но бидејќи принцот Ендрју повеќе не е „вработен“ член на кралското семејство, тој повеќе не може да ја користи оваа привилегија. Оттука и потребата од приватна услуга, која очигледно скапо чини.
„Вооружената заштита отсекогаш била статусен симбол за луѓе како принцот Ендрју“, изјави Норман Бејкер, поранешен министер за внатрешни работи и член на Советот за приватност на кралот, за The Sun:
„Тој треба сам да плати за тоа и да не ги оптоварува даночните обврзници, бидејќи тој е приватно лице и не врши никаква јавна функција. Луѓето како Дејвид Бекам сами си плаќаат за својата безбедност, зошто принцот Ендру да не си плати сам? Не треба да плаќаме за безбедноста на Ендрју или Хари или кој било друг член на кралското семејство кој не врши јавни должности“.
