Супермоделот Џиџи Хадид и Зејн Малик повторно се разделија една година по раѓањето на нивната ќерка Каи, пишуваат странските медиуми. Веста за раскинувањето одекна ден откако порталот „TMZ“ ја објави веста дека Зејн имал голема расправија со мајката на Џиџи, поранешната манекенка Јоланда Хадид.
View this post on Instagram
Имено, извор близок до Јоланда за „TMZ“ раскажал дека пејачот ја удрил минатата недела. Набргу потоа Зејн се огласи на „Твитер“ и ги негираше обвинувањата дека ја удрил Јоланда, но потврди дека имал несогласувања со мајката на неговата партнерка.
View this post on Instagram
Потоа, Малик се огласи за инцидентот за „TMZ“
„Како што знаете, јас сум многу приватен човек и не сакав ова да излезе во јавност. Во обид да ја заштитам ќерка ми, се согласив да ги оспорам наводите кои произлегоа од расправијата што ја имав со мајката на мојата партнерка, која влезе во нашиот дом додека мојата партнерка беше отсутна пред неколку недели“, започна тој.
View this post on Instagram
„Ова беше и сè уште треба да биде приватна работа, но се чини дека ова протече во медиумите, и покрај моите напори да нè вратам во мирна семејна средина, што треба да ми овозможи да ја воспитувам мојата ќерка на начин како што таа го заслужува тоа“, додаде пејачот.
View this post on Instagram
„Негирам дека сум ја удрил Јоланда и одбивам да дадам дополнителни детали и се надевам дека Јоланда ќе ги преиспита своите лажни обвинувања и ќе се сврти кон решавање на семејните проблеми приватно“, заклучи тој.
View this post on Instagram
Зејн Малик и Џиџи Хадид ја имаат едногодишната ќерка Каи, а по обвинувањата на Јоланда се дозна дека парот не е заедно долго време.
Пејачот и моделот се заедно од 2015 година, а се разделија три години подоцна. Гласините дека се повторно заедно се појавија во јавноста во 2019 година и првпат беа забележани заедно во Њујорк во јануари 2020 година. Нивната ќерка се роди во септември минатата година, а се чини дека 2021 година беше пресудна за нивната љубов.
