Синди Крафорд, Клаудија Шифер и други супермодели ѝ оддадоа почит на Татјана Патиц. Легендите на модната писта посветија објави на Инстаграм на нивната почината колешка.
„Толку тажно што слушнав за смртта на убавата Татјана Патиц. И двете влеговме во модната индустрија како деца и заедно растевме. Бевме на бројни заеднички фотосесии…Ја познавав добро, мека, чувствителна, љубезна, љубопитна. Може ли некој да го заборави нејзиниот продорен поглед? Љубовта на Татјана кон животните и природата беше заразна. Моето сочувство до нејзиното семејство, особено до нејзиниот син, кого го обожаваше“, напиша Синди Крафорд.
View this post on Instagram
„Таа беше вистински член на нашата група супермодели, тешко е да се прифати дека не напушти на толку млада возраст. Беше задоволство да се работи со неа – таа секогаш беше приземна и возвишена. Се надевам дека со коњите и кучињата е во рајот“, додаде Клаудија Шифер.
View this post on Instagram
„Убава Татјана, секогаш грациозна и мирна, со тие прекрасни, насмеани очи. Уште од мали нозе, патувавме многу заедно, споделивме неверојатни спомени. Сакав да бидам покрај тебе, беше толку мирно, секогаш се смеевме многу. Ти благодариме што не одржувавте во контакт до самиот крај. Нашата кореспонденција ме насмевнува, разговаравме за тоа колку ја сакаме природата. Се надевам дека ќе јаваш коњ низ бескрајни ливади, со насмевка на лицето, а ветерот ќе ти ја развејува косата“, рече Хелена Кристенсен.
View this post on Instagram
Топли зборови упатени до Татјана Патиц споделија и Ева Херцигова, Мила Јовович, Карла Бруни и многу други.
„Не напушти ангел“, пишува Херцигова.
View this post on Instagram
Смртта на 56-годишната Татјана Патиц стана позната на 11 јануари. Наскоро, агентот на супермоделот Корин Николас потврди дека таа починала од рак на дојка.
View this post on Instagram
