Мараја Кери добива огромни суми пари секоја божиќна сезона за нејзиниот хит „All I Want For Christmas Is You“, а според „Business Insider“, пејачката заработила вкупно 60 милиони долари за песната, со што синглот секоја божиќна сезона ѝ носи дополнителни милион долари.
Кери била коавтор и копродуцент на песната со Волтер Афансиф (светски познатиот продуцент кој стои и зад песната на Селин Дион „My Heart Will Go On“) за нејзиниот четврти студиски албум и првиот празничен албум „Merry Christmas“.
View this post on Instagram
Наводно, дуото ја напишале и продуцирале песната за само 15 минути. Песната за првпат одекна во етерот во 1994 година и стана број еден божиќен хит.
Извештајот на „Business Insider“ од 2018 година проценува дека Кери заработила повеќе од 60 милиони долари од оваа песна. Според „Celebrity Net Worth“, песната заработува помеѓу 600.000 и 1 милион долари секоја година.
„All I Want for Christmas Is You“ е најголемиот меѓународен хит на Мараја Кери, кој беше на врвот на топ листите во дваесет и шест земји.
Во 2019 година, песната за првпат се најде на врвот на листата на Билборд за најдобрите 100 песни, дури 25 години по нејзиното објавување, соборувајќи го светскиот рекорд за најдолг пат до број еден. Во 2020 година, песната го достигна првото место во Велика Британија за првпат, откако помина рекордни 69 недели меѓу најдобрите 40.
View this post on Instagram
Тоа е најпродаваниот божиќен сингл на уметник и една од најпродаваните песни во музичката историја, со вкупна проценета продажба од повеќе од 16 милиони копии.
Кери заработила вкупно 520 милиони долари за време на нејзината 33-годишна кариера.
