Српската пејачка Сара Јовановиќ, позната како Сара Јо, во последно време добива многу непристојни негативни коментари на нејзините профили на социјалните мрежи поврзани со нејзиниот изглед, а поединци коментираат дека се здебелила. Сара се огласила и одговорила на тие коментари.
„Сарице, на диета под итно. Те молам немој да се направиш лом. Колку килограми се здебели во последната година? Веќе немаш врат, не изгледа добро“, се само дел од коментарите што Сара Јо ги доби на својот инстаграм-профил.
„Ништо не е поубаво од искрен, топол и, пред сè, добронамерен коментар. Отежнато пишувам на Инстаграм поради мојот врат, но морав и вака да ти се заблагодарам Петрице“, напишала Сара како одговор на злонамерната критика.
Сара Јо потоа открила дека почнала со диета, што го сподели со следбениците утрово.
Пејачката се снимила облечена во пижами, како пие здрав пијалак, а покажала и детален план за исхрана што треба да ѝ помогне да ослабе, пишува српски „Телеграф“.
