Познатиот виолинист Коки Јанков на социјалните мрежи сподели емотивен момент по повод својот 51. роденден.
На својот инстаграм-профил, Коки објави фотографија од авион, на која позира заедно со својата ќерка Лара, која спие до него за време на летот.
Музичарот ја искористи приликата да упати искрена желба до самиот себе, но и до својата наследничка.
„Си посакувам да си со мир во душата, здрава, љубезна… и да ти се радувам. Секоја наредна година да сум ти тука. 51-ва годино, не брзај“, напиша Коки во описот на фотографијата.
Тој најавува концерт на 14 ноември во Филхармонија по повод 30 години од првиот хит на дуото Дуле и Коки, „Виолина и гитара“, со кој како дебитанти победија на Макфест во Штип во 1996 година. На концертот, како што вели Јанков, ќе има и многу гости.
Во тек е промоцијата на новиот албум на Коки Јанков, „Навикни на промени“, на кој ќе има 20 песни.
