Кијану Ривс наскоро доаѓа во Србија, а ова е неговата листа со желби.
Познатиот холивудски актер Кијану Ривс ќе настапи со својот бенд Догстар на Ареснал фест што ќе се одржи од 27 до 29 јуни во Кнежевски Арсенал во Крагуевац.
Сè е подготвено за пречек на холивудската ѕвезда која стекна популарност во деведесеттите со улогите во филмовите „Брзина“ и „Матрикс“, а го зацврсти статусот на еден од најбараните актери во филмската франшиза на Џон Вик.
Многу од неговите глобално популарни колеги важат за разгалени ѕвезди кои имаат долга листа на барања кои мора да се исполнат кога ќе посетат некој град.
Тоа не е случај со Ривс, кој има многу скромна листа на барања.
Тој побара од организаторите безалкохолно пиво и саке (јапонска ракија) да бидат достапни за неговиот бенд и за него за време на нивниот настап на фестивалот.
– Мислевме дека ќе бара којзнае што бидејќи со децении е една од најголемите светски ѕвезди. Сепак, тој тотално не разувери во тоа. Побара да му обезбедиме безалкохолно пиво и јапонска ракија – саке. Неговиот бенд и тој беа многу скромни во барањата, така што нема да има никакви проблеми да се исполнат – вели извор за српски Информер.
Саке е традиционален јапонски пијалок од ориз кој датира од 300 година од нашата ера. Се прави со ферментирање на ориз. Тој е национален пијалок во Јапонија и често се служи со посебен ритуал, нежно се загрева во мал земјен сад или во порцеланско шише и се пие од мала порцеланска чаша наречена саказуки.
Алтернативниот рок бенд Догстар е основан во 1991 година и има три члена. Кијану свири бас гитара, Роберт Мејлхаус свири на тапани, а Брет Домроуз свири гитара.
