Јелена Карлеуша пред два дена за медиумите изјави дека официјално се разведува од Душко Тошиќ, по 15 години брак.
Турбулентната врска меѓу Душко Тошиќ и Јелена Карлеуша последниве месеци ја „занимава“ јавноста. Тие решија да се разведат по 15 години брак.
Поп ѕвездата откри дека разводот ќе биде спогодбен.
Бидејќи Душко и Јелена живеат луксузно и имаат неколку имоти и бројни скапи парчиња, многумина се запрашаа како славниот пар ќе го подели имотот стекнат во брак. Со оглед на тоа што Јелена и Душко, според се, успеаја да се договорат за спогодбен развод, тие сами одлучуваат за поделбата на имотот, па судот нема да го разгледува тој дел.
– Според член 40 од Законот за семејство, брачните другари имаат право на развод доколку склучат писмен договор за развод. Договорот за развод нужно содржи два дела: писмен договор за остварување на родителското право и писмен договор за поделба на заедничкиот имот – вели адвокат за српски „Ало“, додавајќи дека судот во тој случај не врши испитување:
– Членот 179 од Законот за семејство вели дека брачните другари можат да склучат договор за делба на заеднички имот. Според одредбите на Законот за семејство и неговата примена во судската практика, произлегува дека спогодбата за делба на заедничкиот имот при меѓусебен развод е вклучена во пресудата без испитување од страна на судот, т.е. судот прифаќа таков договор на брачните другари без да интервенира за што се договориле брачните другари.
Инаку, севкупниот имот на Јелена и Душко се проценува на неколку милиони евра.
