Кристина Кија Коцкар првпат зборуваше за прекинот на пријателството со пејачката Катарина Живковиќ.
„Катарина многу ја почитувам и таа беше единствената другарка од јавната сцена која многу ме повреди, и не би ѝ било во прилог да кажувам нешто за неа. Ја навреди целата моја фамилија и пријателите. Кога сите коцки се склопија, сфатив дека треба да остане како што е, и ѝ благодарам за тоа“, – изјави Кија.
„Не е со оженет маж“
Катарина не сака јавно да го изложува својот избраник со кого го доби синот, а многумина коментираа дека станува збор за оженет маж.
„Морам и тоа да го прокоментирам, бидејќи гледам дека по социјалните мрежи се пишува дека е оженет и дека затоа го крие. Не, не, не. Не е оженет, ниту има нешто такво, па престанете да коментирате глупости. Тој човек е прекрасен. Тоа го велам како нејзина поранешна блиска другарка. Ѝ посакувам сета среќа, а за детето ѝ испратив подарок“, – рече Кија и откри како би реагирала доколку ја сретне поранешната другарка.
„Ако ја видам Катарина или нејзиниот партнер, секако би им се јавила, нема зла крв. Таа ме повреди на некој начин, но секогаш можам да ѝ се јавам. Што и да ѝ треба, тука сум за неа, но што се однесува до пријателството – не можам да преминам преку некои работи, таа знае зошто, и тоа е тоа. Постои само една страна, а јас сум во право. Толку години поминавме заедно, споделивме многу работи кои не сум ги делела со многу луѓе, ниту таа. Мислам дека некои луѓе имаа влијание врз неа“, – изјави Кија за домашните медиуми.
