Како што се приближува годишнината од смртта на Саша Поповиќ, неговото семејство и пријателите сè уште тешко се помируваат со загубата. Неговата ќерка Александра Поповиќ првпат јавно проговори за односот со татко ѝ, во документарен филм посветен на неговиот живот и кариера, кој наскоро ќе биде објавен.
Во филмот, видно вознемирена и со солзи во очите, таа рече: „Што да кажам, мене ми беше најдобриот татко на светот“, откривајќи колку блиска била нивната врска. Документарецот носи лични сведоштва и спомени, а во него учествуваат и бројни јавни личности, меѓу кои Јелена Карлеуша, Светлана Цеца Ражнатовиќ, Лепа Брена и Марија Шерифовиќ.
View this post on Instagram
За Поповиќ неодамна зборуваше и хармоникашот Александар Софрониевиќ, кој истакна дека жали што не го послушал додека бил жив. Тој го опиша како искрен и директен човек, без „сива зона“, од кого научил дека во музичкиот бизнис најважно е траењето, постојаниот развој и тоа никогаш да не се заборави од каде се тргнало.
„Жал ми е што не го послушав“, изјави тој за телевизија Гранд.
Документарниот филм ветува поинтимен приказ на човекот кој со години беше една од клучните фигури на регионалната естрада.
