Пејачката Катерина Танева- Ѓоргиев ги покажа внуките на Фејсбук. Кате инаку е уште позната по прекарот Кате- „Нели ти реков“ по групата во која пееше долги години.
-Мојот свет. Моите две срца. Катја и Арија“, напиша Кате и доби многу убави коментари од пријателите под сликата која е од трети октомври, но таа уште добива коментари и пофални зборови.
Во септември во 2024 година, Кате на Фејсбук објави дека добила зет, а на сликата ги означи нејзината ќерка Ларита и зетот Горан. Инаку, пејачката од Неготино не го експонира приватниот живот во јавноста.
Кате е со сопругот 27 години во брак и со радост раскажува дека тој ѝ е најголема поддршка и ја следи на многу настапи.
Таа вели дека не ѝ пречи што луѓето сѐ уште ја виката Кате од „Нели ти реков“, иако со таа група веќе поради обврски не настапува со ист интензитет како порано.
-Кога ќе се разочарам, тој е тука да ме смири, да ме искритикува, па понекогаш и да се скараме, затоа што тој поинаку ги гледа работите. Во еден период, јас се разочарав од музичката состојба кај нас, но тој е тој што „со карање“, како што се вели, ме тера да продолжам понатаму“, раскажа пејачката во една прилика за „Слободен печат“.
