Водителката на шоуто „ Пинкови ѕвезди “, Бојана Лазиќ, многу млада се омажи за актерот Жарко Лазиќ и роди син, а потоа се разведоа.
Таа неодамна проговори за својот љубовен живот и откри дека ѝ се додворувале многу мажи од јавната сцена, но најчесто без успех.
– Работев седум години во „Гранд“ телевизија, емисијата беше од колажен тип, па освен пејачи, низ неа поминаа многу спортисти, политичари… Тогаш не бев толку позната и полесно ми пристапуваа, особено во тој период по разводот. Ми носеа цвеќе, чоколади, ми праќаа пораки… Да, ме сакаа, но никогаш не сакав да бидам со познати луѓе, единствено мојот поранешен сопруг е јавна личност, иако не сака да се зборува за него – рече водителката.
Водителката откри и што треба да поседува еден маж за да ја заинтригира.
– Мора да е обичен маж. Од моето љубовно искуство заклучив дека ги сакам обичните мажи. Мажите сакаат да ме фасцинираат со автомобили, часовници, нивните позиции и пари, но мене тоа апсолутно не ме интригира. Секако е плус ако го има сето тоа, но не ме фасцинира и нема да ме држи покрај маж, ниту ќе ме привлече. Она што навистина ми треба за еден маж е разбирање и поддршка – вели водителката и додава дека честопати го немала тоа:
– Ми се чини дека сите ме прифаќаат на почетокот, а по неколку месеци сакаат да ме променат, а јас сум уморна од тоа. Ако треба да бирам дали треба да бидам сама или со некој што сака да ме промени и да ме конзумира психички, тогаш е подобро да бидам сама до крајот на животот. Веројатно сум лоша во поставувањето на почетокот на врската. Имав турбулентна врска од речиси шест години, премногу сум уморна, ми треба мир и сакам да бидам сама подолг период.
