Српската пејачка Јелена Карлеуша реши да испрати јавна порака до Канје Вест и отворено да каже што мисли за неговиот потег да облече црна маица со натпис “White lives matter” („Белите животи се важни“), но текстот подоцна го избриша.
View this post on Instagram
„Да се каже дека животите на белците се важни е најгенијалниот начин да се стават белите луѓе во иста незавидна положба како Афроамериканците. Затоа што сè во животот е важно. Изговарањето на овој слоган и неговото храбро ставање на една единствена маица беше најголемиот придонес за афроамериканската култура што некогаш го направил еден човек во модерното време. Тоа е метафора и реалност во исто време. Никогаш не е кажано дека животите на белите луѓе се важни. Секогаш тоа се подразбираше. Канје ја искористи својата позиција како еден од највлијателните луѓе на денешницата за да ја покаже целата апсурдност на расизмот и белата надмоќ на овој разорно интелигентен и лудо храбар начин на неговата социолошка и културна војна. Многумина не разбраа ниту од едната ни од другата страна, но ниеден визионер не беше разбран во негово време. По тоа Канје ќе биде запаметен во времето што доаѓа. Сигурно е роден во погрешно време за себе, но во вистинско за оваа планета. Никој не покажал таква гола храброст, ризикувајќи сè и не плашејќи се и не плашејќи се од тоа, цврсто верувајќи во својата исправност. Балканците ќе препознаат ваков лик само во уште една личност од овој дел на светот, затоа Канјеи јас одлично се разбираме, иако не се познаваме. Да скратам, нема подобар начин да се каже дека животите на Афроамериканците се важни и да се сврти вниманието на тој слоган на целиот свет од она што го направи Канје. И сето тоа со само една обична маица. Планетата „бруи“. Браво Ye“, напиша Јелена и го означи инстаграм-профилот на Канје Вест во нејзината долга објава.
„White Lives Matter“ е фраза која е осмислена како одговор на движењето „Black Lives Matter“. Вест даде неколку изјави за време на ревијата, но ниту една не беше поврзана со маицата што ја носеше.
Kanye West portant « White Lives Matter » – Les gauchistes progressistes wokistes en panique totale 🤯#ParisFashionWeek pic.twitter.com/R1VwYcwXBT
— Cæsar (@16art_MCMLXXXV) October 3, 2022
