Канје Вест може да биде во сериозни финансиски проблеми за неколку месеци, известува Пејџ сикс..
По скандалозните лудории на Канје Вест, многу корпорации ги раскинаа договорите со него. И покрај тоа што раперот има заштеда, тој има и огромни трошоци, а наскоро би можел да биде во голема финансиска неволја доколку не најде начин да ја сврти ситуацијата, велат извори на Пејџ сикс. Се известува дека вкупно Вест имал пет извори на приход, од кои четири во моментов се целосно затворени за него.
„Во последниве години, Вест заработуваше големи пари од неговите договори со Адидас и Гап, како и од неговата музичка куќа и концерти. Адидас и Гап го прекинаа партнерството и ги прекинаа плаќањата, а концертите се откажани. Останаа хонорари, но за Канје тоа се смешни суми, бидејќи е навикнат да троши многу“, вели инсајдерот.
Само од прекинувањето на договорот со Адидас, раперот изгубил околу три четвртини од приходите.
