Кајли Џенер објави дека таа и нејзиниот партнер Тревис Скот му го смениле името на новородениот син, кого го нарекоа Волф.
– Нашиот син веќе не се вика Волф. Не чувствувавме дека тоа е тој. Сакав да го споделам тоа бидејќи гледам дека сите секаде пишуваат Волф – напиша Кајли во објавата.
Кајли ја откри промената на името откако нејзиното видео „Посвета на нашиот син“ собра повеќе од милион прегледи на YouTube за само неколку часа.
На видеото Кајли покажува приватни видеа направени од моментот кога добила позитивен тест за бременост до породувањето. Видеото трае нешто помалку од десет минути и во него се појавуваат бремената Кајли, нејзината ќерка Сторми, партнерот Тревис Скот, но и целото семејство Кардашијан-Џенер. Кајли покажува и детска соба, луксузен подарок за дете и специјално дрво на кое членовите на семејството ги оставиле своите желби напишани на хартија за неродено момче.
