Водителката на Пинк, Јована Јеремиќ, не престанува со тренинзи и промена на животните навики за да биде во најдобра форма. На Инстаграм сега ги сподели своите мерки и им ја потсети публиката колку е важна дисциплината во исхраната и спортот.
„Мерките се мојот најдобар личен резултат. Подобро тело немало. 163 см, 52,8 кг, 19 индекс. Јас велам дека ова е само увод за летото. Ми е драго што позитивно влијаам на луѓето околу мене да донесат одлука да го сменат начинот на исхрана и живот. Без здрави навики, витки линии, спорт и здрава храна, нема среќен живот. Ти си она што јадеш. Храната што ја внесуваме во организмот директно влијае на расположението и нашата продуктивност во текот на денот“, напиша Јована во својот препознатлив стил.
Потсетуваме, Јована Јеремиќ веќе подолго време ужива во љубовта со боксерот Милош Стојановиќ Тигар, кој е син на познатиот спортист Миодраг Стојановиќ Гидра.
„За приватниот живот реков дека нема да проговорам ни збор, останувам доследна на тоа. Сјаам, среќна сум, задоволна. Го средив својот живот совршено“, рече водителката, додавајќи дека некои големи желби сепак не се оствариле, но таа прифаќа „она што Бог кажува“.
Тигар неодамна зборуваше за тоа колку влијание имал неговиот татко врз него и откри како изгледал неговиот живот откако Гидра бил брутално убиен кога Милош имал само 17 години.
