Во текот на настапот на поп ѕвездата Јелена Карлеуша во Блаце, настапот беше прекинат кога пејачката доби информација дека седумгодишно девојче се изгубило во големата толпа.
Карлеуша веднаш ја запрела музиката и се обратила до публиката, замолувајќи ги сите присутни да обрнат внимание и да помогнат во потрагата по девојчето кое ја барало мајката.
– Само момент, имаме една важна информација. Во оваа ограмна маса се изгубило едно девојче. Има 7 години, ја бара својата мајка, ако некој ја види, нека јави, огромна гужва е – рекла Јелена.
Публиката веднаш реагирала, а набрзо пристигнала и добрата вест – девојчето е пронајдено.
Штом дознала дека сè е во ред, Карлеуша го продолжила концертот и повторно ја кренала атмосферата на вжештување. Публиката продолжила да пее, танцува и да ужива во нејзиниот настап.
Во рамките на манифестацијата „Денови на сливи“, Јелена Карлеуша синоќа одржала концерт во Блаце пред огромен број посетители.
По пристигнувањето во градот, пејачката се појавила на местото на одржување на концертот, каде што ѝ бил приреден посебен дочек, а во таа пригода ѝ бил врачен и голем букет цвеќе.
Кога излегла на сцената, публиката ја поздравила со громогласни овации, а потоа Карлеуша ги отпеала своите стари и нови хитови. Нејзините песни публиката ги пеела наглас со неа.
За настапот, таа избрала тесен црн комбинезон, кој го комбинирала со високи потпетици и црни очила за сонце. Својата долга руса коса, по која е препознатлива со години, ја пуштила преку рамената.
