Поп-пејачката Јелена Карлеуша се присети на почетоците од својата кариера и откри досега непознати детали за нејзината рана средба со Светлана Цеца Ражнатовиќ, која се случила уште пред Карлеуша да ја започне сопствената самостојна кариера.
Карлеуша раскажа дека својот прв хонорар го заработила пеејќи придружни вокали за Милош Бојаниќ, а подоцна снимала вокали рамо до рамо со Цеца во студио.
Шокантен коментар во студиото
Поп-дивата откри каква била реакцијата на Цеца по нивната заедничка работа во глувата соба:
„Со Цеца пеевме придружни вокали, стоевме една до друга во глувата соба. Потоа Цеца коментираше дека е штета што сум дебела и грда, дека добро пеам, но дека никогаш нема да станам ѕвезда. Така што се испостави дека никогаш не треба да трчаш пред време“, изјави Карлеуша.
Триумф со новиот албум „Енигма“
Шпекулациите и минатите сопки не го забавија нејзиниот успех. Карлеуша деновиве доминира на сите музички листи во регионот и дијаспората со новиот албум „Енигма“, заземајќи ги првите три места на Јутјуб трендингот.
Таа емотивно им се заблагодари на фановите за огромната поддршка:
„За само еден ден песната ‘Mata Hari’ дојде на прво место во трендинг во Србија, но и во сите земји во регионот, па дури и во Австрија. На второ место е ‘Balkan Boy’, а на трето ‘Sad je sve okej’. Ви благодарам што ме направивте толку среќна и горда по еден многу долг и тежок период што е зад мене“, порача пејачката.
