Босанскохерцеговскиот кантавтор Дино Мерлин неодамна гостуваше во емисијата „Конечно петок“ со Маја Ченгиќ, каде што во специјалното издание зборуваше за претстојните три концерти на стадионот „Кошево“. Посебно емотивен беше кога се спомена името на легендарниот Халид Бешлиќ.
Во еден момент од интервјуто, водителката Маја истакна дека би сакала да се присетат на Халид, напоменувајќи дека пред неговиот последен концерт објавија заедничка песна и спот.
„Халид Бешлиќ, ми се чини, е поприсутен од кога било досега – беше со нас и за време на настапите на нашата репрезентација на Светското првенство во фудбал“, рече таа пред да го праша Мерлин дали му недостасува Халид.
Познатиот пејач за момент застана за да ги задржи солзите и рече: „Многу ме потресовте со ова прашање и ви благодарам за тоа“.
„Можам да кажам само едно – дека Халид ќе биде со нас“, рече тој со треперлив глас, застанувајќи накратко.
Потоа додаде: „Сите три ноќи“.
За потсетување, Мерлин ќе одржи три историски концерти на стадионот „Кошево“ – на 31 јули, 1 и 2 август.
Неодамна, во пресрет на ноќите на „Кошево“, тој на публиката ѝ ја подари и новата песна „Због тебе“, како посебен знак на благодарност и спомен за овие три големи концерти.
