Пејачката Мина Костиќ и нејзиниот партнер Мане Ќурувија, попознат како Каспер, се мета на постојани коментари откако ја објавија својата врска. Со оглед на тоа што нивната романса започна преку социјалните мрежи, многумина шпекулираа дека помладиот Мане ја користи пејачката за да се пробие во медиумите и да стане познат.
Мина реши конечно да стави крај на овие муабети, но на многу неочекуван начин. Таа тврди дека вистината е всушност обратна.
„Тој ме искористил мене? Ако гледаме така, попрво јас го искористив него! Тој ми помага за сè што е поврзано со мојата работа. Јас навистина не се снаоѓам добро ниту со Инстаграм, ниту со ТикТок. Тој ме упати во сè, тој ги менаџира тие работи и ми помага. Така што, на некој начин, јас сум таа што доби повеќе во оваа врска“, изјави пејачката.
Одговор од Америка
Набрзо по нејзината изјава, се огласи и Каспер преку својот Инстаграм профил, испраќајќи поддршка до својата поубава половина.
„Така е љубов моја! До крајот на животот ќе ме искористуваш, а јас со задоволство ќе уживам во тоа. Од срце му посакувам на секој пар да се искористуваат еден со друг на начинот на кој ние го правиме тоа. Бидете си поддршка во сè, а воопшто да не ви е грижа како луѓето ќе го нарекуваат тоа“, напиша Мане.
Двојката очигледно ужива во својата хармонија, докажувајќи дека меѓусебната помош и разбирањето се посилни од сите чаршиски озборувања.
